Во нашето училиште го одбележавме значењето на растенијата во природата преку креативни и едукативни активности на учениците.
Учениците од VII одделение приредија интересна драматизација, преку која на сликовит начин ја прикажаа важноста на растенијата за животот на Земјата – како извор на кислород, храна и дом за многу живи суштества. 
Воедно, учениците од VII, VIII и IV одделение учествуваа во акција за садење цвеќиња во училишниот двор, со што дадоа свој придонес за поубава, почиста и поздрава средина. 
Дополнително, учениците изработија и креативни изработки инспирирани од природата, покажувајќи ја својата љубов и грижа кон животната средина. 
Со вакви активности ја поттикнуваме еколошката свест кај учениците и ја градиме одговорноста кон природата – затоа што секое засадено растение е чекор кон подобра иднина. 