Со многу труд, љубов и празничен дух успешно ја реализиравме новогодишната приредба во подрачното училиште Гоце Делчев во с.Горобинци. Учениците од прво до петто одделение земаа активно учество и преку песна, игра и сценски настапи создадоа топла и весела атмосфера. Посебна радост и новогодишна магија внесе и Дедо Мраз, кој со своето доаѓање измами насмевки и радост кај сите присутни. Благодарност до учениците за вложениот труд, како и до родителите и колегите за поддршката и соработката. Нека Новата година ни донесе здравје, успех и уште многу вакви убави моменти!