Со многу радост, нови надежи и желба за знаење, денес го означуваме почетокот на уште една учебна година во ООУ „Гоце Делчев“ – Свети Николе.
На сите наши ученици им посакуваме успешна учебна година, исполнета со многу знаење, нови пријателства, убави моменти и бројни успеси. Нека секој нов училишен ден биде можност за учење, растење и остварување на соништата. 
Овој прв училишен ден беше уште поубав и посвечен со пречекот на нашата ученичка Илијана Велева, која нè направи неизмерно горди со освоеното второ место и сребрен медал во шах на Меѓународните Плазма игри за млади во Сплит. 
Илијана беше пречекана со голема радост и гордост од директорката Сузана Дерменџиева, учениците и колективот на училиштето. Нејзиниот успех е прекрасен пример за тоа дека со талент, посветеност, труд и истрајност се постигнуваат големи резултати. 
Честитки, Илијана! Горди сме што си дел од нашето училиште!