Првачињата „на сиот глас“ го кажаа ветувањето дека: ќе ги почитуваат наставниците, ќе ги решаваат задачите и ќе се дружат со другарчињата. Првачињата добија беџови а другарчињата од трето одделение им подготвија забавна програма со јасна порака од сите нас:Да им е среќно детството и нека растат весело и здраво!
За да бидеш УЧИТЕЛ не е потребна само диплома,за да бидеш учител потребно е целосно,безрезервно да си предаден на својата професија-само така си вреднуван најпрво од оние пред кои стоиш секој ден и им го пренесуваш своето знаење а потоа и од сите други кои умеат да ги препознаат твоите вредности!
На ден 10 Октомври –Светскиот ден на менталното здравје ,беше спроведена работилница на учениците од 7-одделение на тема„Ментално здравје и ментални болести“. Учениците беа запознаени со терминот Ментално здравје кое значи чувство за добросостојба, самодоверба и самопочит и со последиците од негрижа за сопственото здравје како и болестите кои произлегуваат од самата негрижа.
Работилницата беше реализирана од психолог-Олгица Стојкова,дефектолог-Драгана Монева и педагог-Ивана Стојановска.
Денес,14.10.2022,во ПОУ Гоце Делчев,с.Горобинци,се реализираше завршната активност од проектот „Предизвик за млади истражувачи“ со наслов„Како да пораснам.Оваа активност содржеше продажен штанд на пакуван чај и семе што всушност беше и целта на проектот-садење,одгледување,прихранување,собирање и продажба на босилек,нане и жалфија а исто така посетителите -родители,колеги,соученици имаа можност да посетат и штанд со здрава храна и топол чај.Атмосферата беше навистина пријатна а активноста многу успешна.ООУ Гоце Делчев им честита на менторите на проектот и учесниците-ученици !
